ჩასაშენებელი გამწოვი

კუპერსბერგის ჩასაშენებელი გამწოვი

სამზარეულოში მუდმივად მრავალი არომატი ტრიალებს. გემრიელი კერძების სუნი შესაძლოა მცირე ხნით მადისაღმძვრელად მოგეჩვენოთ,  თუმცა დროთა განმავლობაში შეიძლება არასასიამოვნო გახდეს და ჰაერის ხარისხზეც იმოქმედოს. ამიტომ მნიშვნელოვანია კარგი ვენტილაციის სისტემის არსებობა, რომელიც, ერთი მხრივ, სივრცეს გაწმენდს, მეორე მხრივ კი ინტერიერს მოერგება. 

ამ ეფექტურობის მისაღწევად Kuppersberg-ის ჩასაშენებელი გამწოვი უნდა შეიძინოთ. ეს არის სამზარეულოს ტექნიკა,  რომელიც  გერმანული ხარისხისა და იტალიური დიზაინის კომბინაციითაა შექმნილი. 

რა უპირატესობები აქვს ჩასაშენებელ გამწოვს?

ჩასაშენებელი გამწოვი იდეალური არჩევანია მათთვის, ვინც კომპაქტურ, მაგრამ ეფექტურ ჩასაშენებელ ტექნიკას ანიჭებს უპირატესობას. 

ჩასაშენებელი გამწოვი დიზაინის თვალსაზრისით უნივერსალური მოწყობილობაა. ის ადვილად ერგება ნებისმიერი სტილის სამზარეულოს, როგორც კლასიკურს, ისე თანამედროვეს. შეუმჩნევლად თავსდება სამზარეულოს კარადაში და ერთიან, გლუვ ზედაპირს ქმნის.

მინიმალისტური დიზაინის მიუხედავად, აღჭურვილია ყველა საჭირო თანამედროვე ტექნოლოგიით — სენსორული მართვითა და მძლავრი ფილტრაციის სისტემით.

ჩასაშენებელი გამწოვი განსაკუთრებით მოსახერხებელია პატარა სამზარეულოებისთვის. კომპაქტური ზომების მიუხედავად, მისი სიმძლავრე არ ჩამოუვარდება სხვა ტიპის გამწოვებს.

რა უნდა გაითვალისწინოთ ჩასაშენებელი გამწოვის შერჩევისას?

დეტალურად განვიხილოთ ის ძირითადი ასპექტები, რომლებიც დაგეხმარებათ სწორი არჩევანის გაკეთებაში.

პირველი და მთავარი ნაბიჯი ზომების შერჩევაა. გამწოვის სიგანე მინიმუმ 10 სანტიმეტრით უნდა აღემატებოდეს ქურის სიგანეს. ეს აუცილებელია ორთქლის ეფექტური შეგროვებისთვის. მაგალითად, 40 სანტიმეტრიანი ქურისთვის საჭიროა 50 სანტიმეტრიანი გამწოვი. ბაზარზე ხელმისაწვდომია სხვადასხვა სტანდარტული ზომის მოდელები: 50, 60, 90 და 120 სანტიმეტრი. აქედან მომხმარებლებში ყველაზე პოპულარული 60 სანტიმეტრიანი მოდელებია.

გამწოვის სიმძლავრე სამზარეულო ოთახის ფართობის მიხედვით უნდა შეარჩიოთ.  საშუალო ზომის სამზარეულოსთვის რეკომენდებული მინიმალური წარმადობა 300-350 მ³/სთ-ია. თუ სამზარეულოს ფართობი 20 კვადრატულ მეტრს აღემატება, აჯობებს უფრო მაღალი სიმძლავრის მოდელი შეარჩიოთ. 

საყოფაცხოვრებო ტექნიკის შერჩევისას აუცილებლად გაითვალისწინეთ მოწყობილობების ხმაურის დონე. წინააღმდეგ შემთხვევაში მაღალი ვიბრაციის მქონე ტექნიკამ შესაძლოა მყუდროება დაგირღვიოთ. როგორც წესი, თანამედროვე გამწოვების ხმაურის დონე 43-დან 65 დეციბელამდე მერყეობს. თუ სამზარეულო ახლოსაა საძინებელთან ან სასტუმრო ოთახთან, სასურველია აირჩიოთ დაბალი ხმაურის მქონე მოდელი (50 დეციბელი ან ნაკლები). 

სამზარეულოში ტექნიკა ერგონომიულად უნდა განთავსდეს. ეს გულისხმობს, რომ სივრცის ყველა ნაწილთან მარტივი წვდომა უნდა გქონდეთ. ჩასაშენებელი გამწოვი სასურველია ქურის ზედაპირიდან  65-75 სანტიმეტრის სიმაღლეზე დამონტაჟდეს. ეს მანძილი ოპტიმალურია როგორც ორთქლის შეგროვების, ასევე მოხმარების კომფორტის თვალსაზრისით. 

რატომ კუპერსბერგი?

გერმანული ხარისხი აისახება ყველა დეტალში. მაგალითად, ძრავა ხმაურს მინიმალურად გამოყოფს. ძირითადად, მოდელებში ეს მაჩვენებელი 43 დეციბელს უტოლდება.  LED განათების სისტემა კი ანალოგებთან შედარებით ბევრად ნაკლებ ელექტროენერგიას მოიხმარს და თბილი განათებით სასიამოვნო ატმოსფეროს ქმნის. 

სენსორული მართვის პანელი Kuppersberg-ის გამწოვებს განსაკუთრებით მოსახერხებელს ხდის. მოწყობილობებს არ აქვს ღიობები და ნაპრალები, რაც ამარტივებს წმენდას და ზრდის მოწყობილობის გამძლეობას. თაიმერის ფუნქცით გამწოვის მუშაობის ხანგრძლივობის დაპროგრამებაა შესაძლებელი. 

Kuppersberg-ის ყველანაირი ტიპის სამზარეულოს გამწოვებში გამოყენებულია მაღალი ხარისხის მასალები. ნაწრთობი მინა და მეტალი გამძლეა, დიდხანს ინარჩუნებს პირვანდელ იერს. ამასთანავე, მოსავლელადაც კომფორტულია, რადგან მარტივად იწმინდება. 

თუ სამზარეულოს განახლებაზე ფიქრობთ და ახალი საყოფაცხოვრებო ტექნიკა გჭირდებათ, შეგიძლიათ გვესტუმროთ შოურუმში ან შეარჩიოთ ჩასაშენებელი გამწოვი, ქურა თუ მაცივარი ჩვენს ონლაინ მაღაზიაში.

გახადეთ თქვენი სამზარეულო უფრო კომფორტული Kuppersberg-ის სამზარეულოს ტექნიკასთან ერთად.